නින්දට බාධා කරන ආහාර

ඔබ ගන්නා ආහාර වල පෝෂණීය බව පමණක් නොව ඒවා ගන්නා අවස්ථාව අනුවත් එහි ගුණාත්මක තත්ත්වයේ වෙනසක් ඇති විය හැකියි. විශේෂයෙන්ම රාත්‍රියෙදී ගන්නා ඇතැම් ආහාර වර්ග ඔබේ නින්දට පවා බාධා කරන අවස්ථා ඇති නිසා එවැනි ආහාර වර්ග කිහිපයක් මෙලෙස හඳුනා ගැනීම වැදගත්.



කෝපි පානය
කෝපිවල අඩංගු කැෆේන් මඟින් ඔබේ සිරුරට උත්තේජනයක් ලබාදෙයි. රාත්‍රියේදී ලබන සුව නින්දට එය බාධාවකිග හැකි නම් කෝපි වෙනුවට ආහාර දිරවීම පහසු කරන ඔෟෂධීය පානයක් ලබා ගන්න.


ඇල්කොහොල්
මත්පැන්වල අඩංගු ඇල්කොහොල් මඟින් සිරුරට අලස බවක් ගෙන දුන්නද එය සුව නින්දකට පහසුවක් නෙවෙයි. 2013 වසරේ කරන ලද පර්යේෂණ මඟින් හෙළිවී ඇත්තේ මත්පැන් පානය කළ විට අධිකව නින්දට වැටුණද ඔබේ මතක ශක්තියට ඉන් බලපෑමක් වන බවයි.


හරක් මස් වැනි රතු මස්
මෙම මස්වල අඩංගු අධික මේද හා ප්‍රෝටීන් නිසා එය දිරවීමට වැඩි වේලාවක් ගනියි. එය රාත්‍රි නින්දට බාධාවකි.
පසුදින උදයේ අවදි වන විටද අලස බවක් ඇතිවිය හැකියි. මේ වෙනුවට ගෝවා වැනි තම්බාගත් එළවළු වැනි ආහාරයක් ගැනීමට පුරුදුවන්න.


චීස් අඩංගු ආහාර
චීස් යොදා සකසාගත් පීසා රාත්‍රි ආහාරයට ගැනීම ඔබේ උදරයේ බර වැඩි කිරීමට හේතුවන නිසා රාත්‍රි නින්දටද බාධාවකිග චීස්වල අඩංගු අධික මේදය හා කැලරි නිසා රාත්‍රියේදී එය දිරවීම අපහසුයි.


බැද පිසගත් ක්ෂණික ආහාර
බැදගත් අල පෙති හා බර්ගර් වැනි ක්ෂණික ආහාර වර්ගවලද කැලරි අධිකව අඩංගුයි. කැලරි අධික ආහාර දිරවීම අපහසු නිසා මෙවැනි ආහාරද රාත්‍රියට නුසුදුසුයි.


සෝඩා පාන වර්ග
සෝඩා පානවල කැලරි අඩංගු නොවුණත් රාත්‍රියේදී උදරයේ පීඩනය වැඩිකර අපහසුතා ඇති කිරීමට එය හේතුවිය හැකියි. පැණි රස අධිකව අඩංගු පානද ඔබේ නින්දට බාධා ඇති කරවන අවස්ථා ඇත. මේ නිසා එවැනි පාන වර්ගවලින් අෑත් වන්න.


චොකලට් රසැති අතුරුපස
කළු චොකලට් වර්ග හා චොකලට් රසැති අතුරුපස වර්ගවල කැෆේන් අඩංගුයි. එමඟින් සිරුරට උත්තේජනයක් ලබාදෙයි. මේ හේතුවෙන් රාත්‍රි අවදිව සිටීමටද සිදුවිය හැකියි.
විශේෂයි
වඩාත් සුදුසු වන්නේ නින්දට යෑමට පැය 2කට වත් පෙර ආහාර ගැනීමයිග රාත්‍රියට පලතුරු වැනි පැණි රස ආහාරද අඩුවෙන් ගන්නග ආහාර අඩු ප්‍රමාණයෙන් නින්දට පැය 2කට පෙර ගැනීමෙන් ඔබට සුවදායි නින්දක් ලබා ගන්න හැකිවෙයි.

Wmqgd .ekSu u